போதை கணவரை கொன்றார் மனைவி

தேவகோட்டை: குடிபோதையில், தினமும் துன்புறுத்திய கணவனை, தலையில் கல்லைப் போட்டு, கொன்ற மனைவி, கைது செய்யப்பட்டார். சிவகங்கை, தேவகோட்டையைச் சேர்ந்தவர் ஆரோக்கியசாமி, 47; குடிப்பழக்கம் உள்ளவர். தினமும் போதையில் வந்து, மனைவி ஜோசபின் ராணியை, துன்புறுத்தி வந்தார். நேற்று முன்தினம் இரவு, போதையில் தகராறு செய்தார். கோபமடைந்த ஜோசபின்ராணி, கணவர் தூங்கிய பின், தலையில் கல்லைப் போட்டார்; பிழைத்து வந்தால், கொன்று விடுவார் என்ற அச்சத்தில், எரித்துக் கொலை செய்தார். தீக்குளித்து தற்கொலை செய்து கொண்டதாக, முதலில், போலீசாரிடம் தெரிவித்த ஜோசபின்ராணி, முன்னுக்குப்பின் முரணாக பேசினார். பின், கொலை செய்ததை ஒப்புக்கொண்டார். அவரை, போலீசார் கைது செய்து சிறையில் அடைத்தனர்.