ஐடியா' கேட்டார் அடகு வைக்க'அம்போ' ஆனது பவுன் நகை

ராமநாதபுரம்:ராமநாதபுரம் அருகே நகை அடகு வைப்பது குறித்து, ரோட்டில் நின்று கொண்டு, மொபைல் போனில் ஆலோசனை கேட்ட, பெண்ணின் 8 பவுன் நகை பஸ்சில் 'அபேஸ்' ஆனது.சத்திரக்குடி அருகே செய்யாலுாரைச் சேர்ந்த செல்வக்குமார் மனைவி பிரேமா, 25. நேற்று முன்தினம் ராமநாதபுரத்தில் உள்ள உறவினர் வீட்டு விசேஷத்தில் கலந்து கொள்ள, செய்யாலுார் பஸ் ஸ்டாப் வந்தார்.அப்போது அவரது 8 பவுன் நகையை, அடகு வைப்பது குறித்து ரோட்டில் நின்று கொண்டு, மொபைல் போனில் உறவினரிடம் விசாரித்தார். பின்னர், செய்யாலுார் ராமநாதபுரம் டவுன் பஸ்சில் வந்த பிரேமா, சாலைத்தெரு பஸ் ஸ்டாப்பில் இறங்கினார். அங்கு, அவரது பையில் வைத்திருந்த 8 பவுன் நகை மாயமானது தெரிந்தது.அவரது புகார்படி, ராமநாதபுரம் பஜார் போலீசார் வழக்கு பதிந்தனர். ரோட்டில் நின்று போனில் பேசியதை கவனித்த மர்மஆசாமி, பிரேமாவை பின்தொடர்ந்து, பஸ்சிலேயே வந்து, நகையை 'அபேஸ்' செய்திருக்கலாம் என்ற கோணத்தில் போலீசார் விசாரிக்கின்றனர்